परभणी (१९) येथील श्री शिवाजी महाविद्यालयातील इंग्रजी विषयाचे प्रोफेसर डॉ. रोहिदास नितोंडे यांची महाविद्यालयाच्या उपप्राचार्यपदी नियुक्ती करण्यात आली आहे.
मराठवाडा शिक्षण प्रसारक मंडळाचे सरचिटणीस आमदार सतीश चव्हाण यांच्या आदेशान्वये सदर नियुक्ती करण्यात आली आहे. डॉ.नितोंडे स्वामी रामानंद तीर्थ मराठवाडा विद्यापीठ, नांदेडच्या इंग्रजी अभ्यास मंडळाचे अध्यक्ष म्हणून कार्यरत आहेत. ते मागील अनेक वर्षांपासून महाविद्यालयीन आणि विद्यापीठीय विविध समित्यांवर कार्य करीत आहेत. त्यांच्या एनपीटीएल कोर्सेसच्या योगदानामुळे आयआयटी मद्रासने त्यांना सन्मानित ही केले आहे. इंग्रजी विषयावर प्रभुत्व असलेल्या डॉ.नितोंडे यांचा उत्तम संशोधक म्हणून ही नावलौकिक आहे. नुकताच त्यांना विद्यापीठाचा उत्कृष्ट युवा संशोधक पुरस्कार ही मिळाला आहे.
त्यांच्या या नियुक्तीबद्दल महाविद्यालय विकास समितीचे प्रमुख हेमंतराव जामकर, प्राचार्य डॉ.बाळासाहेब जाधव, उपप्राचार्य डॉ.श्रीनिवास केशट्टी, प्रबंधक विजय मोरे, प्राध्यापक तसेच प्रशासकीय कर्मचाऱ्यांनी अभिनंदन केले.